Datorren urterako inbertsioak

2019/12/23

Joan zen astean Udalbatzarrak onartu zuen 2020. urterako aurrekontuan 288.458 euroko diru-partida jaso da datorren urtean zehar udalerrian inbertsio ezberdinak egiteko.

Soraluzeko Udalak abenduaren 19ko Osoko Bilkuran onartu zuen 2020. urterako aurrekontua.

Iazkoa baino %1,78 handiagoa den aurrekontua izango du 2020. urterako Soraluzeko Udalak: 4.717.735 euro.

Diru-kopuru horretatik 288.458 euro inbertsioak egiteko erabiliko dira.

Ondorengo hauek dira Soraluzeko Udalak aurten aurrera eramango dituen inbertsiorik nagusienak:

Plaentxi Herri Ikastetxeko patiora igotzeko eskaileren zahar berritze lanak (86.000€).
Haur parkeen berrikuntza (40.000).
Baserri bideetako inbertsioak (35.000€).
Kiroldegiko gimnasio berri hornitzeko (27.000€)
Mendi gaina balioan jartzea -Dolmenen Ibilbidea- (23.000€).
Argiteria (20.000€)
Zerbitzu Sozialen Mapa (15.410€).
Nekazal lur sailen erosketa (8.000€).
Gaztedia Saileko inbertsioak (5.000€)
Jubilatu etxeko inbertsioak (4.000€)
Besteak bete…