Udalekuetan, gazte oporraldietan eta euskal udalekuetan izena emateko epea zabalik

Urtero moduan, aurtengo udako oporraldirako udalekuak eta gazte oporraldiak zein euskal udalekuak antolatu dituzte Araba, Bizkai eta Gizpuzkoako Foru Aldundiek eta Euskal Udalekuak elkarteak, hurrenez hurren. 2007 eta 2017 urteen artean jaiotako haur eta gaztetxoei zuzenduta daude biak.

Udalekuak eta gazte oporraldiak

Araba, Bizkai eta Gipuzkoako haur eta nerabeei zuzenduta daude, eta  jolaserako, dibertsiorako eta bizikidetasuna garatzeko leku bat eskaini nahi zaie beren gozamenerako eta autonomia pertsolana finkatzeko. Bi taldetan banatzen dira, adinaren arabera: 7-13 urte bitartekoentzako udalekuak eta 14-17 urte bitartekoentzako, ostera, gazte oporraldiak.

Izena emateko epea martxoaren 13tik 22ra bitartekoa da, eta Soraluzeko Udaleko Haurren eta Gazteen Departamentuan edo Internet bitartez egin daiteke, lotura honetan: sakatu hemen.

Plazak banatzeko zozketa apirilaren 15ean egingo da, notario aurrean.

Informazio gehiago behar izanez gero, udaletxera deituta, 943753043 telefono zenbakira, edo ondorengo webgunea bisitatuta lor daiteke: sakatu hemen.

Euskal Udalekuak

Euskal udalekuak euskara eta natura ardatz hartuta garatzen dira Abaigar, Bernedo eta Goñiko etxe banatan. Hezitzaile boluntarioekin, Euskal Herri osoko ume eta gazteei zuzenduta daude, eta udan ere euskaraz bizitzeko eta gozatzeko aukera eskaintzen die jolasa, elkarlana, alaitasuna, aniztasuna, dinamikotasuna, hezkidetza… bidelagun dituztela.

Hainbat txanda eskaintzen dira adinaren arabera Abaigar, Bernedo eta Goñiko etxeetan.

Izena emateko epea martxoaren 5etik 31ra bitartekoa da, eta Internet bidez egin daiteke, lotura honetan: sakatu hemen.

Apirilaren 5etik aurrera, plaza baino eskaera gehiago dauden txandetan aukeraketa egingo da.

Informazio gehiago behar izanez gero, ondorengo webgunea bisitatu dauteke: sakatu hemen.