Nazioarteko kooperaziorako dirulaguntza

Soraluzeko Udalak, Osasun, Gizarte Ongizate eta Immigrazio Sailaren bitartez, nazioarteko lankidetzarako bere ekarpen ekonomikoa egin du Euskal Fondoaren bidez. Egindako ekarpena 1.311,03 eurokoa da.

Euskal Fondoa - Euskadiko Toki Erakunde Lankidetzaileen Elkartea 1996. urtean eratu zen, Euskal Herrian Lankidetza deszentralizatua koordinatzeko eta laguntzeko tresna gisa. Hegoaldeko erakunde, gizarte-erakunde eta komunitateekin harreman solidarioak garatzearen alde funtzionatzen duten tokiko esperientzia guztiak biltzen ditu.

Garapenerako lankidetzari egiten dion ekarpenaz harago, Euskal Fondoak ahaleginak egiten ditu bizikidetza baketsuko balioak sustatzeko, justizian, berdintasunean, tolerantzian eta bizitza sozial, kultural eta politikoan parte-hartze aktiboan oinarrituta.

Laburbilduz, Elkarte honek lortu nahi duen helburua da herritarren sentsibilizazioa lortzea herrien arteko desberdintasun nabarien kausei eta ondorioei buruz, eta mundu-ordena bidezkoagoa eta solidarioagoa ezartzeko lankidetzan aritzeko beharra transmititzea.

Aurten, Patricia Borinaga arloko arduradunak azaldu duenez, "Udalaren ekarpena, Osasun, Gizarte Ongizate eta Immigrazio Batzordean adostu bezala, Gaztenpatia Kulturarteko Proiektura bideratuko da. Proiektu horrek euskal gazteen eta lankidetza- eta elkartasun-jarduerak egiten dituzten beste herrialde batzuetako gazteen arteko enpatia eta elkartasuna sustatzen ditu. Unibertsitateko ikasleei zuzendutako proiektua da, eta UPV/EHUk 2003tik egiten duen Garapenerako Lankidetzako Gradu Amaierako Praktiken eta Lanen Proiektuaren parte da, munduan dauden desberdintasunez jabetzen diren profesionalak prestatzeko duen eginkizunari erantzunez ".