Laguntza bonoen balorazio ona

Joan den urriaren 20an amaitu zen Udaleko Ongizate Sailak eman dituen laguntza-bonoen gastuak justifikatzeko epea.

Jakina den moduan, aipatutako bonoak herriko dendetan erabili behar ziren eta 50 eta 100 euroko balioa zuten; 50 eurokoa gizarte-laguntzak jasotzen dituzten familien kasuan eta 100 eurokoa pentsionista, langile eta langabetuen kasuan.

Gizarte Ongizate Saileko arduradunek balorazio positiboa egin duten aurtengo laguntza-kanpainaz, nahiz eta hurrengo deialdietarako hobetu beharreko konturik ere antzeman den.

Aurtengo deialdiaren emaitzak honakoak izan dira:

Eskaera kopurua: 130 familia.

Onartutako eskaera kopurua: 123 familia.

Banatutako bonoak:

• 50 euroko bonoak: 54. Gizarte-laguntzen jasotzaileak.
• 100 euroko bonoak: 69. Pentsionistak 36, langileak 23, langabeak 4, laguntzarik ez dutenak 6.

Banatutako diru-kopurua: 9.600 euro.

Bonoak jaso ahal izateko bi baldintza bete behar ziren:

- Soraluzen erroldatuta urte bete baino gehiago eramatea.

- Azpiko taulakoak baino diru-sarrera txikiagoak izatea.