![Irailaren 16a arte dago zabalik Eibarko Hizkuntza Eskola Ofizialean ikasturte honetarako izena emateko epea Irailaren 16a arte dago zabalik Eibarko Hizkuntza Eskola Ofizialean ikasturte honetarako izena emateko epea](https://www.soraluze.eus/eu/albisteak/irailaren-16a-arte-dago-zabalik-eibarko-hizkuntza-eskola-ofizialean-ikasturte-honetarako-izena-emateko-epea/@@images/image-900-6a8418edf7ec1bf0bac2a99fd42aed7b.jpeg)
Irailaren 16a arte dago zabalik Eibarko Hizkuntza Eskola Ofizialean ikasturte honetarako izena emateko epea
Ikastetxeak zortzi hizkuntzatako ikastaroak eskaintzen ditu
Hizkuntza Eskola Ofizialak Eibarren duen egoitzak zabalik dauka 2022/2023 ikasturterako izena emateko epea. Izen-ematea irailaren 1ean zabaldu zen eta hilaren 16an, ostirala, 13:00etan, amaituko da.
Hizkuntza Eskolak ondorengo hizkuntzak ikasteko aukera ematen du: Alemana, Errusiera,
Euskara, Frantsesa, Gaztelania, Ingelesa, Italiera eta Portugalera.
Plazak mugatuak dira eta baremoaren arabera esleituko dira.
Matrikula on-line burutu behar da, ondorengo webgunean: http://www.euskadi.eus/heo