![Hurbiltasuneko bulego berria Hurbiltasuneko bulego berria](https://www.soraluze.eus/eu/albisteak/hurbiltasuneko-bulego-berria-zabalik/@@images/image-900-fe6844fafae3f5cb6bf297196a195df3.jpeg)
Hurbiltasuneko bulego berria
Patricia Borinaga Osasun, Gizarte Ongizate eta Udal Immigrazio arloko arduradunak azaldu duenez, "Pandemiak agerian utzi du pertsona ahulenak izan direla osasun-, ekonomia-, lan- eta gizarte-krisi hori gehien pairatu dutenak. Haien egoera, gainera, larriagotu egin da, besteak beste, mugikortasun-murrizketek, baliabideen itxierak eta/edo zerbitzu publiko eta pribatu askok egunerokotzat ezarri duten online arretak "
Horregatik, egoera horren jakitun izanik, Gipuzkoako Foru Aldundiak, Soraluzeko Udalaren eta Zabaltzen/SartuKoop erakundearen laguntzarekin, proiektu bat jarri du abian, Soraluzeko pertsona guztiak bertaratzeko aukera izango duen hurbiltasuneko bulego bat zabaltzeko.
Hauek dira bulego berriak emango dituen zerbitzuak:
- Gizarte- eta lan-laguntza: gizarte-, pertsona-, prestakuntza- eta komunitate-estaldura emanez, pertsonek modu autonomoan eskura ditzaten tokiko, eskualdeko eta abarreko baliabideak arlo ekonomikoan, laboralean, prestakuntzan, etxebizitzan, soziosanitarioan, sozialean...
- Online bizitzarako laguntza: laguntza digitala emanez, eguneroko arazo espezifikoak konpontzeko, izapideak kudeatzeko, baliabideak ezagutzeko eta abarretarako tresnak eskuratzeko.
Zerbitzu hori EPAren lokal batean emango da, Baltegieta kaleko 18. zenbakian, astelehenetan eta asteazkenetan, 08:30etik 13:30era. Ordutegi bereko harremanetarako telefonoa 618777070 da eta helbide elektronikoa yolandaur@zabaltzen.sartu.org