Herriko dendetan erosketak egiteko laguntza-bonoak banatuko ditu udalak

Herriko dendetan erosketak egiteko laguntza-bonoak banatuko ditu udalak

2023/10/24
Erosketa-bonuak banatuko ditu Udaleko Osasun, Gizarte Ongizate eta Inmigrazioaren Sailak egoera ekonomiko zaila bizi duten herritarren artean; 100 euroko 150 bono banatuko dira.

Azken urteetako ohiturari jarraituz, Soraluzeko Udalak 100 euroko erosketa-bonoak banatuko ditu hurrengo egunetan egoera ekonomiko zaurgarrian dauden herriko familien artean, 100 euro familia-unitate bakoitzeko.

Laguntza-bono hauek familien oinarrizko beharrei erantzutea dute helburu moduan eta herriko denda eta saltokietan erabili ahal izango dira.

ONURADURAK

Bonoek bi onuradun mota izango dituzte: gaur egun udalaren dirulagutzaren bat jasotzen dutenak eta, dirulaguntzarik jaso ez arren, errenta-maila baxua dutenak.

Dirulaguntzen onuradun direnek zuzenean jasoko dituzte bonoak. Eskaera egin behar dute, baina datu ekonomikoak aurkeztu beharrik gabe:

  • Diru-sarrerak Bermatzeko Errentaren edo Bizitzeko Gutxieneko Diru-sarreraren onuradunak.
  • Gizarte-larrialdietarako laguntzaren onuradunak.
  • Elikagaien Bankuaren Programaren onuradunak.

Honako pertsona hauek, aldiz, datu ekonomikoak aurkeztu beharko dituzte udalean, eta laguntza jasoko dute baldintza ekonomikoak betetzen badituzte:

  • Pentsiodunak.
  • Diru sarrera txikiak dituzten langileak.
  • Langabetuak.

BETE BEHARREKO BALDINTZAK

1.- Udalerrian erroldatuta egotea eskabidea aurkezten den egunean.

2.- Eskatzailaren sarrerak ondoren zehazten diren mugen azpitik egotea.

Familia unitatearen kideak

 Errenta muga

1

15.400

2

20.160

3

22.624

4

25.521

5

28.855

6

32.689

7

37.096

8

42.166

+1

+7.150

 

AUZKEZTU BEHARREKO DOKUMENTAZIOA

  • Eskabidea beteta eta sinatuta.
  • NAN, AIZ edo pasaportearen fotokopia.
  • Gizarte-laguntzak jasotzen dituztenak: diru-sarrerak gizarte-zerbitzuen zerrendekin egiaztatuko dira.
  • Langabezian dauden pertsonak: INEMen ziurtagiria, 2022an jasotako diru-sarrerei buruzkoa.
  • Langileak: 2022ko errenta aitorpena aurkeztea.
  • Pentsiodunak: 2022ko pentsioaren ziurtagiria aurkeztea.
  • Caritasengandik jasoz gero: 2022an jasotako diru-sarreren ziurtagiria.

INPRIMAKIAK BILTZEA ETA DOKUMENTAZIOA EMATEA

Azaroaren 2tik 17ra, 09:00etatik 13:00etara, Gizarte Zerbitzuen Bulegoan.

TIKETAK ENTREGATZEA

Eskaera egiten den egunetik (gizarte-laguntzaren baten onuradun izanez gero) edo eskaera onartzen denetik (pentsiodunak, langileak edo langabetuak) abenduaren 1a arte, 9etatik 13etara, Gizarte Zerbitzuen Bulegoan.

OHAR GARRANTZITSUA

Eskaerak aurrekontu erabilgarria agortu arte (15.000 €), onartuko dira.

INFORMAZIOA

Edozein zalantza argitzeko 943750056 eta 943750054 telefonoetara deitu daiteke, edota mezu elektroniko bat bidali gizarte@soraluze.eus helbidera edota Gizarte Zerbitzuetara gerturatu.

Oinarriak HEMEN kontsulta daitezke