Haurrentzako dantza erakustaldia aratosteetako martitzenerako

Azken urteetako ohiturari jarraituz, haurrei zuzendutako dantza edo koreografia erakustaldia antolatu du Udaleko Kultura Batzordeak aratoste jaietako martitzenerako.

Erakustaldia martxoaren 4an egingo da, martitzena, arratsaldeko 17:00etan, Arane Kiroldegiko pilotalekuan.

Nork eta nola har dezake parte?

• Aratosteetako dantza edo koreografia erakustaldian lehen hezkuntzako ikasleek hartu ahal izango dute parte, LH1etik LH6rako ikasle guztiek, alegia.
• Parte hartzaileek taldeka eman beharko dute izena, gelaka zein mailaka; talde bakoitzak nahi adina kide izan ditzake.

Nola eman behar da izena?

• Parte hartzaileek ikastetxean egin behar dute izen-ematea, tutorearen bitartez, antolatzaileek prestatutako inprimakiak beteta.
• Parte hartzaileek beraien musika USB batean eraman behar dute udaletxera, taldearen izena adieraztearekin batera, otsailaren 28a baino lehen.

Sariak

• Parte hartzen duten talde guztiek 50 euroko txartel bana jasoko dute, taldean elkarrekin erabili ahal izateko.
• Haur guztiek opari bana jasoko dute, parte hartzeagatik.

Guraso bolondresak

Aurreko urteetan moduan, antolatzaileen nahia da guraso bolondresak arduratzea haurrei antolaketa-lanetan laguntzeaz (abestia aukeratu, dantzak entseatu, mozorroak prestatu, entsegu-lekuak udalarekin koordinatu...).

Hori horrela izanik, antolaketa-lanetan aritzeko prest leudekeen gurasoek ondorengo loturan eman dezakete izena: guraso bolondresak.

Erakustaldiaren nondik-norakoez zehaztasun gehiago emateko, gurasoentzako bilera egingo da otsailaren 10ean, astelehena, arratsaldeko 18:30ean, Kalebarren 8an.