Futbol zelaiko argiteria zaharberritzeko lanak

Udaleko Kirol sailak Soraluzeko Ezozia futbol zelaiko behe tentsioko instalazio elektrikoa eraberritzeko proiektua esleitzeko kontratazio-espedienteari hasiera eman dio.

LED sistemarekin, kontsumo osoa, 12.000W

Udalaren helburua futbol zelaia argiztatzen duten argiztapen dorreak zaharberritzea da. Egun 4 torre daude bakoitza 6 proiektorerekin eta proiektore bakoitzak 2000W kontsumitzen du. Egungo kontsumoa beraz, 48.000W da. Proiektu berri honi esker, dorre bakoitzean 600W, led sistemako bost proiektore ezarriko lirateke eta horrela kontsumo osoa 12.000W izango da, 36.000Wko aurrezkiarekin.
Lanen iraupena hilabetekoa izango da eta lizitazioaren aurrekontua 47.703,81 eurotakoa izango da BEZ-a aparte.

Kontratuaren zehaztapenak Euskadiko kontratazio publikoko plataforman aurki daitezke ondorengo loturan:
https://www.contratacion.euskadi.eus/kontratazio_iragarkia/soraluzeko-ezozia-futbol-zelaian-behe-tentsioko-instalazio-elektrikoa-eraberritzea/w32-kpeperfi/eu/