"Blues Hotsak", musika beltza oinarri duen jaialdiaren VI. edizioa hasiko da datorren astean

Blues Hotsak izeneko jaialdia antolatu du seigarrenez Errabal Kultur Elkarteak datorren asterako, jazaa, bluesa eta musika beltza ezagutarazteko helburuarekin. Datorren astelehenetik domekara, bluesaren bueltako hainbat jarduera antolatu dira: musika emanaldiak, solasaldi literarioa, filma eta kontzertu gastronomikoak.

Errabal Kultur Elkarteak herriko kultur eragileen saretze handia egin du aurtengo Blues Hotsak jaialdiaren antolakuntzan, eta hori du oinarri aurtengo egitarauak.

Proposamen ugari eta denetarikoak izango dira, asko doakoak, gainera. Errabal Kultur Elkarteak nabarmendu nahi du ekintzen doakotasuna, blues, jazz eta horrelako musika beltzak herritar guztiegana irits daitezen bermatzen baitu.

Zaintza-zerbitzua

Iaz bezalaxe, aurten ere haurrentzako zaintza-zerbitzua eskainiko da kontzertuek iraun bitartean. Ikusleek seme-alabak bertan uzteko aukera izango dute, hezitzaile-talde baten zaintzapean. Horretarako aurrez izena eman behar da, azaroaren 19a baino lehen, 639750781 telefono zenbakian.

Berritasunak

Aurtengo berritasunen artean Kontzertu gastronomikoak daude: herriguneko tabernetan blues musika oinarri duten pintxoak dastatu ahal izango dute ehundaka pertsonak kontzertuez gozatu bitartean. Blues Hotsak jaialdiaren antolakuntzak herriko tabernen inplikazioa nabarmendu eta eskertu nahi du blues musikan oinarritutako pintxo proposamenak sortzeko ahalegina egiteagatik.

Aurtengo beste lankidetza ildo bat Baso Biziak elkartearekin uztartutakoa izan da; izan ere, sarrera eskuratu beharreko ekintzetan, Herri Antzokiko kontzertuetan, saldutako sarrera bakoitzaren ehuneko bat zuhaitzak landatzeko erabiliko da.

Egitaraua, egunez egun

Azaroak 18, astelehena

Izotz ura (Susa, 2023) liburuaren inguruko solasaldi literarioa Lide Hernando autorearekin.

• Ordua: 19:00
• Lekua: Kalebarren 8

Azaroak 20, eguaztena

Santiago Auserón musikariaren La semilla del son filmaren proiekzioa.

• Ordua: 19:30
• Lekua: Herri Antzokia

Azaroak 22, barixakua

J.P. Bimenni & The Black Belts Burundiko artistaren soul bandaren kontzertua.

• Ordua: Herri Antzokia
• Lekua: 20:00
• Sarrerak: 12€, Iratxo goxoki-dendan salgai

Azaroak 23, zapatua

Musika Eskolaren eskutik Bluesaren historia erritmotik ikuskizuna.

• Ordua: 12:30
• Lekua: Herri Antzokia

Azaroak 23, zapatua

Santiago Auserón, belztasunaren ohiartzunen kantariaren kontzertua, akustikoan.

• Ordua: 19:00
• Lekua: Herri Antzokia
• Sarrerak: 12€, Iratxo goxoki-dendan salgai

Azaroak 24, domeka

Dolmenen ibilbideko bisita gidatua, Debegesaren laguntzaz.

• Ordua: 9:00 - 12:30
• Lekua: Karakateko aparkalekuan
• Izen-ematea: Bi egun lehenagorarte egin ahal izango da galdetegi honetan. 

Azaroak 24, domeka

Kontrargi argazkilaritza kolektiboaren Argazki Rally Fotografikoa. gaietako bat musika. sari propioa. 

• Ordua: 8:30
• Lekua: Herrigunean

Azaroak 24, domeka

Kontzertu gastronomikoak Soraluzeko hainbat txokotan.

• The fake cousins
  • Ordua: 12:00
  • Lekua: Intxixu, Arrano eta Bolia
• DJ. Baltza
  • Ordua: 12:30
  • Lekua: Gaztelupe
• Wilsons organ trio
  • Ordua: 13:00
  • Lekua: Edurtza eta Txuritxu
• Blues company
  • Ordua: 14:00
  • Lekua: Txoko

Azaroak 24, domeka

Sugar Queen artistaren kontzertua banda bikain batek lagunduta.

• Ordua: 19:00
• Lekua: Herri Antzokia
• Sarrerak: 12€, Iratxo goxoki-dendan salgai