Domekan Dolmenen ibilbidea ezagutzeko bisita gidatua; uda-sasoiko lehenengoa.

2024/06/26

Domekan egingo da Dolmenen ibilbidea ezagutzeko hurrengo bisita gidatua; uda-sasoian beste sei egingo dira.

Dolmenen Ibilbidearen (PR-Gi 94) balio arkeologikoa zein pasaia-balioa gizarteratzen jarraitzeko asmoz, doako bisita gidatuen programa antolatzen dute Elgoibarko, Bergarako eta Soraluzeko Udalek, Debegesa Debabarreneko Garapen Agentziarekin elkarlanean.

Ibilbide gidatuak 9 kilometroko luzera eta lau orduko iraupena du, Karakaten hasi eta Irukurutzetaraino joan-etorria. Ibilbidea erraza eta malda gutxikoa da, familian egiteko aproposa, 7 urtetik gorako haurrekin.

Gomendatzen da mendi ibilbideetarako oinetako egokiak, txapela eta eguzkitarako krema eguraldi ona eginez gero, ura eta jateko zerbait eramatea.

Hauexek izango dira uda-sasoiko bisita gidatuak:

Ekainak 30 (Gazteleraz)
Uztailak 11 (Gazteleraz).
Uztailak 25 (Gazteleraz)
Abuztuak 8 (Gazteleraz).
Abuztuak 22 (Gazteleraz).
Abuztuak 29 (Euskaraz).
Irailak 22 (Euskaraz).

Aurreko urteetan bezala, bisitak Karakateko aparkalekutik abiatuko dira goizeko 10:00etan.

Izena emateko, 657794677 telefonora deitu, info@begi-bistan.com helbidera idatzi edota https://www.debabarrenaturismo.com/eu/dolmenen-ibilbidea/bisita-gidatuak webgunean dagoen formularioa bete behar da. Barixakua izango da izena emateko azken eguna.