Itxaropenako ileapaindegia enkantera

Udalak enkantera atera du ITXAROPENA Erretiratuen Etxeko ile-apainketa zerbitzua (Soraluzeko Etxaburueta kalea 5). Bi urterako esleipena da, eta urtero luza daiteke, lau urtera arte.

Jarduera egiten den lokalak 15 m2-ko azalera du, eta behar bezala egokituta eta ekipatuta dago dagokion zerbitzua emateko.

Proposamenak aurkezteko epea 15 egun naturalekoa da, eta 2022ko ekainaren 1ean amaituko da.

Zerbitzuaren esleipendunak hilean 60 €ordaindu beharko dizkio Soraluzeko Udalari, hurrengo hileko lehen bost egunetan. Elektrizitateari, gasari eta urari dagozkien gastuak Soraluzeko Udalari dagozkio, lokala udal-jabetzako lizitazioaren xede baita.

Zerbitzua astelehenetik ostiralera eskaini beharko da (asteko atseden-egun batekin), goizez eta arratsaldez, eta larunbatetan, goizez. Gainera, uztailaren 1etik irailaren 15era bitartean, ile-apaindegia hilabete jarraian itxi ahal izango da, esleipendunaren oporraldiarekin batera. Zerbitzua irekitzeko ordutegia, asteko atseden-eguna eta oporraldia Udalari eta Erretiratuen Elkarteari jakinarazi beharko zaizkie.

Pleguak, informazio guztiarekin eta kontratua esleitzeko kontuan hartuko diren irizpide guztiekin, honako esteka hauetan kontsulta daitezke:

• Administrazio-klausulen plegua.

• Baldintza teknikoen agiria.

Edozein zalantza izanez gero, Udaleko Gizarte Zerbitzuetako Departamentuko 943750054 telefono-zenbakira deitu daiteke eta Irantzu Benitoren galdera egin.