Berdintasuna eta aniztasuna

Berdintasun zerbitzuaren helburu orokorra berdintasun politikak bultzatzea da, hau da, emakume eta gizonen artean bizitzako arlo guztietan bai esparru pribatuan  eta bai esparru publikoan dauden desberdintasunei aurre egitea eta sexuen arteko berdintasuna sustatzea aniztasuna kontuan hartuz.

Helburu zehatzak

Ezberdintasunei aurre egin emakumeen eta gizonen artean eskubide, tratu eta aukera berdintasuna eremu guztietan bultzatuz  eta genero ikuspegia udaleko politika eta ekintza guztietan txertatuz. 

Berdintasun, indarkeri matxista eta sexualitate inguruan dauden eskubideei, zerbitzuei, baliabideei, laguntzeei…,  buruzko orientazioa eta/edo informazioa eskaini.

Emakumeen norbanakoaren, taldearen eta gizartearen ahalduntzeari zuzendutako aldizkako kurtso, tailer, hitzaldi…, ezberdinak eskaini Soraluzeko emakumeen parte hartze sozio-politikoa indartzeko  eta areagotzeko.

Ikastetxeetan, pertsonal tekniko eta politikoetan, elkarteetan, udaleko eragileetan, eta Soraluzeko herritar guztietan errespetua, zaintzaren etika, berdintasuna, eta elkartasuna bultzatzen dituzten balioak bultzatu formazio saio eta/edo sentsibilizazio kanpaina ezberdinen bitartez .

Emakumeen aurkako indarkeri matxista eta jarrera diskriminatzaileak ekidin ahal izateko lanean aritu sentsibilizazio kanpainan ezberdinen bitartez. Genero indarkeriaren eta sexuaren biktima diren emakumeei arreta hobea eman erakundeen arteko Soraluzeko protokoloaren bitartez.

Soraluzeko Emakumeon* Ahalduntze Eskola

Soraluzeko ahalduntze-eskola topaketarako, ikaskuntzarako, hausnarketarako eta prestakuntzarako gune bat da, emakumeen* ahalduntzea eta partaidetza soziopolitikoa bultzatzeko helburua duena. Erreferentzia-gunea izan nahi du, non bizipenak, ezagutzak eta jakintzak partekatzen diren, Soraluzeko emakumeen artean sareak eraikitzen diren, eta beharrezko tresnak eskaintzen diren, hainbat ikastaro eta tailerren bidez, gure errealitate zehatza ikuspegi feministatik aztertzen eta zalantzan jartzen joateko, beharrezko aldaketak eraginez, jendarte bidezkoagoa, anitzagoa eta inklusiboagoa lortzeko.

Urritik martxora bitarteko egitaraua

Soraluzeko Emakumeon* Ahalduntze Eskolako ekintzetan parte hartzeko izen-ematea:

• Aurrez aurre, udal bulegoetan astelehenetik ostiralera, 10:00etatik 14:00etara.
• Online, ondorengo galdetegia beteta: izen-ematea

Lotura interesgarriak

• Emakunde.euskadi.net
• Berdinsarea.net
• Gipuzkoako Foru Aldundia – Berdintasuna

Dokumentuak

• Emakumeen eta Gizonen Berdintasunerako 4/2005 Legea, otsailaren 18koa.
• E.A.Eko Emakumeen eta gizonen berdintasunerako VI plana (PDF)
• Genero  ekitatean oinarritutako komunikaziorako gida. Mugarik Gabe.
• Genero indarkeriaren inguruko gida (PDF).
• Soraluzeko Mapa Morea (PDF).
• Soraluzeko Udalaren Berdintasun Plana (PDF).