Soraluzeko emakumeon* arteko topaketa datorren eguenean, udazken-negurako programatutako azken ekintza
Soraluzeko emakume guztiok giro informalean, musika eta jan-edanaren bueltan elkartzeko gunea izango da. Emakumeok elkar topatzea eta elkarrekin gozatzea du xede; bide batez, ahalduntze eskolako udazken-neguko programazioaren balorazioa egingo da eta askotariko proposamen, interes eta ideiak bilduko dira hurrengo programazioa prestatze aldera.
Urritik hona osatutako programazioan ekitaldi ugari egin dira, guztiak ere parte-hartze handiarekin:
- Emakumeen sareak josiz joskintza tailerra (asteroko tailerra, barixakutan).
- Biodantza eta barne-ahalduntzea (hiru saioko taierra).
- Sendabelar ikastaroa (bina saioko bi tailer).
- Zineforum feminista, O Corno filma.
- Ama*, Eme*, Ume* liburuaren aurkezpena eta tertulia Estitxu Fernandez eta Erika Lagomarekin.
Soraluzeko emakumeon* arteko topaketa izango da, beraz, udazken-negurako progrmatutako ekintzen artean azkena. Momentuz, 36 emakumek* eman du izena topaketan, baina izen-ematea zabalik dago oraindik eta Udaleko Berdintasun Batzordeak zein ahalduntze eskolako talde eragileak Soraluzeko emakume* oro animatu nahi du topaketan parte hartzera.
Eguna: otsailak 27, eguena
Ordua: 18:00 - 20:00
Lekua: Kalebarren 8
Izen-ematea eta zaintza zerbitzua
Zaintza zerbitzua egongo da, aurrez, izen-ematearekin batera eskatuta. Otsailaren 25a izango da zaintza zerbitzua eskatzeko azken eguna.
Izena emateko online, ondorengo galdetegia bete behar da: Ahalduntze Eskolako izen-ematea.
Izen-emate prozesuan laguntza behar izanez gero, edo jardueraren bati buruzko informazio gehigarria nahi izanez gero 943753043 telefonora deituta edo harrera@soraluze.eus helbidera idatzita lor daiteke.
