!["Munduko ipuinen eguna" ospatuko da Soraluzen, irailaren 28an "Munduko ipuinen eguna" ospatuko da Soraluzen, irailaren 28an](https://www.soraluze.eus/eu/albisteak/munduko-ipuinen-eguna-ospatuko-da-soraluzen-irailaren-28an/@@images/image-900-da27b76844e191789014db6a227e6812.jpeg)
"Munduko ipuinen eguna" ospatuko da Soraluzen, irailaren 28an
Kultura- eta hizkuntza-aniztasuna balioan jarriz munduko hizkuntzak eta kulturak ezagutzera ematea eta soraluzetarron artean harreman-sareak sortzea du xede Munduko ipuinen egunak. Irailaren 28an, zapatua, egingo da herrigunean eta egun osoko programazioa prestatzen dihardute Pil-pilean Euskaltzaleen Elkarteak, udaleko Kultura Sailak eta liburutegiak.
Munduko ipuinen eguna
Ipuinek kalea hartuko dute; izan ere, herriguneko hainbat txokotan izango dira ipuin-kontaketak hainbat hizkuntzatan, hala nola, arabieraz, gazteleraz, azeriz, katalanez eta euskaraz. Ipuin-kontaketez gain, liburu-azoka eta liburutegi txokoa ipiniko dira, eta ipuin-bazkaria ere egingo da Arriogain elkartean.
Ikasturtean munduko ipuin gehiago
Munduko ipuinen eguna ez da, ordea, egun bakarrerako mugatuko; ikasturtean zehar jarraipena izango du Mila eta hamaika ipuin - Munduko ipuinen ziklo herritarrarekin.