SAPAko proiektua lizitaziora

2022/12/02

Kanoi-fabrika izandakoaren zatietako bat espazio publiko bihurtzeko lanak lizitaziora atera ditu Udalak; lanek 6 hilabete iraungo dute eta 867.318,29 euroko aurrekontua daukate.

Asteazkenean izandako osoko bilkuran onartutako gai ordenaren puntuetako bat SAPAko obraren lizitazio espedienteari hasiera ematea izan zen.

Plenoko akordioaren ondoren atzo eman zitzaion hasiera SAPA kanoi-fabrika zaharraren ekialdeko nabea espazio publiko estali eta hiri-kondentsadore bihurtzeko lanen obra kontratuari.

Lanen iraupena sei hilabetekoa izango da eta lizitazioaren aurrekontua 867.318,29 eurotakoa da BEZ-a aparte .

Kontratuaren zehaztapenak Euskadiko kontratazio publikoko plataforman aurki daitezke ondorengo loturan: https://www.contratacion.euskadi.eus/kontratazio_iragarkia/sapa-kanoi-fabrika-zaharraren-ekialdeko-nabea-espazio-publiko-estali-eta-hiri-kondentsadore-bihurtzeko-lanak-soraluzeko-hapoko-u-25-kanioak-hirigintza-eremuan/w32-kpeperfi/eu/