Txurrukeneko parke berria

Aste honetan Txurrukengo kalistenia parke berria jarri da.

Patricia Borinaga Haurren eta Gazteen udal arloko arduradunak azaldu duen bezala, "kalistenia-parke hau instalatzearekin lortu nahi izan dena, degradatutako gune bat birgaitzeaz gain, herritarren artean bizi-ohitura osasungarriagoak bultzatzea eta aire zabaleko kirol-jarduera sustatzea da".

Kalistenia aire zabaleko kirol-modalitate gero eta ezagunagoa da gazteen artean. Entrenamendu fisikoko sistema hori gorputzaren pisuaz baliatzen da batez ere, eta ez du karga edo erresistentzia gehigarririk behar. «Street workout » edo « parkour » mugimenduetan oinarrituta, normalean kanpoan praktikatzen da, eta muskuluen garapenean eta garapen kardiobaskularrean eragiten du.

Txurrukengo kalistenia parkeak bederatzi zutoineko Street Workout multzoa du, eta honako hauek hartzen ditu barne: horma-barra, barra bertikala, uztaiak, eskalatzailea, sigi-saga, brakiatzailea, dantza-barra, kristoa eta dominatuak eta bi barra finko. Halaber, moxal bikoitza eta abdominalen banku bat ditu. Kalistenia-eremu osoa (90,23 metro koadro) kautxuzko segurtasun-zoruz estalita dago, erabiltzaileen segurtasuna bermatzeko ustekabeko erorikoen edo kolpeen aurrean.

Parkea instalatzeaz Agapito Urban Industries SL arduratu da, eta inbertsioa 17.460 €-koa izan da, BEZa barne.

Txurrukengo parkean dauden bankuak ere birgaitu dira (garbitu, lixatu eta margotu). Bankuak birgaitzeaz Carpintería Manu arduratu da, eta inbertsioa 1.633,50 €-koa izan da, BEZa barne.