Arratoien aurkako kanpaina
Anticimex enpresako langileak urteko lehenengo arratoi-garbiketa lanak egingo dituzte hilabete honetan; estolderia-sarean jartzen da pozoia eta txakur zein katuek jan ez dezaten prestatuta dago.
Urtero bezala, Soraluzeko Udalak ekin dio aurtengoan ere arratoien aurkako kanpainari.
Kanpaina hiru hilean behin burutzen da, herriko gune desberdinetan pozoia ipiniz.
Halaber, gune konkreturen batean arratoien presentzia somatzen bada, puntualki desratizazio protokoak aktibatzen dira aipatu guneetan.
Pozoiak elementu uxagarri (repelente) bat du txakur eta katuek jan ez dezaten eta herriko estolderia-sarean jartzen da.
ANTICIMEX enpresa arduratzen da arratoien aurkako kanpainak aurrera eramateaz eta 3.802 euroko kostua dute, BEZ-a barne.